PLATINUM-STREEK
PLATINUM-STREEK
Die Platinum-streek het in Julie 2022 as 'n volwaardige streek begin funksioneer. Die streek sluit die volgende groot dorpe in: Brits, Broederstroom, Hartbeespoortdam, Hekpoort, Mooinooi, Rustenburg, Skeerpoort en Magaliesburg.
Die streek het die volgende personeel: Streeksorganiseerder: Desiree Oosthuyzen, Maatskaplike werker: Nadia van der Merwe en Kliëntediensbeampte: Lenelia Naude
Die Platinum-streek het tans drie studiefondse wat voorsiening maak vir rentevrye studielenings wat dit vir studente moontlik maak om verder te studeer. Tans is daar vier Ons Winkels en vyf Helpende Hand-takke in ons streek wat die nood onder Afrikaners op grondvlak probeer verlig deur middel van gemeenskapsontwikkeling. Ons verseker voorspoed deur projekte uit te rol wat fokus op die opvoeding, opleiding en ontwikkeling van begunstigdes. Daardeur wil ons hulle bemagtig om die armoedesiklus te verlig, voorkom en verbreek.
Helpende Hand se fokusgroepe sluit die kwesbaarstes in die gemeenskap in: kinders, mense met gestremdhede, bejaardes, en gesinne.
Die Platinum-streek rol projekte op drie verskillende vlakke uit:
- Nasionale projekte word in alle streke in die land uitgerol.
- Streekprojekte is gemik op spesifieke behoeftes in ons streek.
- Tak-projekte is gemik op spesifieke behoeftes in elke tak se gemeenskap; taklede pak dit aan deur hul talente en gawes te gebruik, en ons streekspersoneel ondersteun hulle met leiding.
Dankie aan elkeen in ons die Platinum-streek wat reeds betrokke is en 'n verskil maak in ons gemeenskappe.
Ons steek ons hande uit om te help! Kom gee ook jou hand en skep saam met ons hoop vir die toekoms.
Ontmoet ons personeel
NASIONALE PROJEKTE
Die Skooltassie-projek – 'n waardige eerste skooldag vir elke graad R-leerder
Die Tassie-projek is een van Helpende Hand se vele nasionale projekte wat deel vorm van ons welstandsgerigte gemeenskapsontwikkelingstruktuur. By Helpende Hand glo ons in volhoubaarheid, en daarom is dit vir ons van kardinale belang dat opvoeding, opleiding en ontwikkeling altyd die kern bly van ons projekte in gemeenskappe.
Helpende Hand se Kosblikkie-projek
Baie kleuterskole en skole se voedingskemas sorg dat kinders deur die dag 'n voedsame maaltyd kan eet. Helpende hand besef die groot uitgawe wat so 'n voedingskema meebring en wil graag finansiële ondersteuning bied aan hierdie skole.
Helpende Hand se Bemagtig 'n Kind-projek
Die Bemagtig 'n Kind-projek is 'n hartsmissie wat daarop gemik is om kinders se lewens te verander en hul toekoms helderder te maak. Te veel kinders staar elke dag uitdagings in die gesig wat hul potensiaal kelder – van leerprobleme en armoede tot trauma soos mishandeling, verwaarlosing of die verlies van 'n geliefde.
Helpende Hand se Help Hetta-projek
Die HelpHetta-projek dra direk by tot die fisiese en emosionele welstand van jong meisies deur hulle van sanitêre ware en basiese higiëneprodukte te voorsien, sodat hulle met waardigheid skool kan bywoon en hul daaglikse aktiwiteite kan voortsit. Skole in die Platinum-streek ontvang jaarliks die Help Hetta-skakel om aansoek te doen vir sanitêre ware vir die meisies wat dit benodig.
Maatskaplike ondersteuning en kinderbeskerming
Helpende Hand se maatskaplike dienste en projekte vorm deel van ons welstandsgerigte gemeenskapsontwikkelingstruktuur wat ons in gemeenskappe uitrol.
HelpJag
HelpJag is 'n nasionale inisiatief van Solidariteit Helpende Hand wat geloods word om jagters 'n geleentheid te bied om hul eie gemeenskap se kwesbaarste mense te help versorg, naamlik kinders, bejaardes, mense met gestremdhede en gesinne. Een van Helpende Hand se maatskaplike werkers en streeksorganiseerders se grootste take is om netwerke te bou met hulpbronne in die gemeenskap. Hulle moet ook behoeftes identifiseer en gemeenskappe help om hul kwesbares te ondersteun.
Helpende Hand se Hoopdraer-toekennings
Internasionale Maatskaplikewerkersdag word elke jaar in Maart gevier. Dit is 'n dag van eerbetoon aan maatskaplike werkers, 'n dag waarop ons die onbaatsugtige werk vier van dié stille bouers van hoop in ons samelewing.
STREEKPROJEKTE
Maatskaplike forum
Stigting van maatskaplike forums in die Platinum-streek
GEE 5-skole-inisiatief
Met die GEE 5-skole-inisiatief wil Solidariteit Helpende Hand skole en kleuterskole bemagtig om deur die jaar 5 projekte binne elke skool se kapasiteit vir hulle gemeenskap te doen.
Eksamen-PEN-projek
In 2023 het ons streek geïdentifiseer dat graad 4-7 leerders nie altyd toegerus is of weet hoe om vir hul toetse en eksamens voor te berei nie.
Reguleringsteddiebere
Reguleringsteddiebere is 'n projek om kinders wat terapie ontvang en hul ouers te ondersteun. Elke kind ontvang 'n teddiebeer wat deur die gemeenskap gebrei en geskenk is.
Braaf die Boerboel
Braaf die Boerboel lyk soos Superman, maar is in kakie geklee en dans op maat van die Afrikaanse sanggroep JAN JAN JAN se liedjie "Braaf soos 'n Boerboel".
Ouerbemagtigingsprojek
In 2023 het Solidariteit Helpende Hand 'n behoefte aan emosionele ondersteuning geïdentifiseer by ouers met baie maatskaplike uitdagings.
Platinum-Gemeenskap Gons
Platinum-Gemeenskap Gons is 'n inisiatief waar ons verskeie netwerke, organisasies en instellings in die gemeenskap besoek en kort onderhoude met hulle voer. Hierdie onderhoude word elke tweede week op ons sosialemediaplatforms gedeel.
Platinum-Gemeenskap Gons
Platinum-Gemeenskap Gons is 'n inisiatief waar ons verskeie netwerke, organisasies en instellings in die gemeenskap besoek en kort onderhoude met hulle voer. Hierdie onderhoude word elke tweede week op ons sosialemediaplatforms gedeel.
TAKPROJEKTE
Hartbeespoort-tak
Seniors in Aksie
Bergsig Versorgingsoord in Hartbeespoort huisves ongeveer 40 senior dames. Die inwoners word met waardigheid versorg, toegerus en bedien. Baie van hulle is afhanklik van slegs hul SASSA-toelae. Alhoewel daar in hul basiese behoeftes voorsien word, bestaan daar steeds 'n groot behoefte aan stimulasieprogramme, sosiale betrokkenheid, besoeke en persoonlike aandag.
Helpende Hand Harties Hande-tak – Persketee
Helpende Hand Harties Hande-tak het op 9 Mei 'n besonderse Persketee aangebied ten bate van die bejaardes in die gemeenskap.
Broederstroom-tak
Brits-tak
SeniorSensasieSamekoms – Brits
In 2025 het Helpende Hand Brits-tak vyf welstandsdae vir seniors aangebied in samewerking met ons streekspersoneel. Hierdie geleenthede is spesiaal ingerig om senior burgers te bemagtig en ondersteun met gratis, insiggewende praatjies en doelgerigte aktiwiteite, aangebied met die ondersteuning van verskeie rolspelers in die Brits-gemeenskap.
Rustenburg-tak
Magaliesburg-tak
Nuus vanuit ons streek
Seniors in Aksie se Kuier, Klets en Kielie die Spiere-projek
De Kroon-mamma’s se Koffiegesprekke: ’n Kosbare Tweejaar-reis van Ondersteuning en Saamstaan
Seniors in Aksie skop af in Hartbeespoort
Welstand van die Bejaarde: Projekopsomming
Ons Winkels – Bou ‘n toekoms-kompetisie
Solidariteit Helpende Hand vat hande met kerke!
Word deel van die Solidariteit Helpende Hand familie
Kalender
Skenk by jou naaste Ons Winkel
